Web: http://zjarr.tv/
Facebook: http://ift.tt/1Nj96ih
Youtube: https://youtube.com/c/ZjarrTelevizion
Ish/punonjësit e Uzinës Mekanike të Poliçanit kanë protestuar sot në qendër të qytetit. Janë rreth 120 punëtorë,të cilët janë hequr nga puna nga Uzina Mekanike në Poliçan në vitin 2014,duke ju premtuar se do të dilnin në Reformë të Parakohshme. Por,që prej vitit 2014,kur janë larguar nga puna pas asnjë motivacion, ata nuk kanë përfituar asnjë pagesë mujore apo pension (të pjeshmëm apo të plotë),edhe pse kanë punuar prej 25-vjetësh në prodhim dhe demontim municionesh,duke rrezikuar edhe shëndetin e tyre. Kryetari i Sindikatës së Punëtorëve të Uzinës Mekanike në Poliçan,z.Abedin Çela,duke i bërë thirrje për mbështetje kryeministrit dhe Ministrit të Financave shprehet se,kanë 3-vjet që kërkojnë miratimin e projektiligjit për “trajtim të veçantë”,projektigj që është firmosur nga 4 Ministri dhe ka ngecur pa firmosur në Ministrinë e Financave. Sekretari i Sindikatës,Haxhi Kondi shprehet se,ata kanë dalë sot për të protestuar duke kërkuar të drejtën e tyre për të përfituar pension të parakohshëm,pasi-sipas tij-shumica e punëtorëve të uzinës janë me sëmundje profesionale nga efektet e helmeve gjatë punës. Këta punëtorë-tha ai-punuan në këto ndërmarrje ushtarake në kushte që për nga vështirësitë janë të njëta me minatorët,metalurgët dhe naftëtarët.
Vetë punëtorët e hequr nga puna shprehen se,punuar 25-vjet në këtë uzinë mekanike dhe pasi u hoqën nga puna pa asnjë shpjegim,nuk kanë marrë asnjë dëmshpërblim. Punëotorët i kanë kërkuar kryeministrit të vendit ta shikojë me seriozitet çështjen e “trajtimit të veçantë” të punonjëve të Uzninës Mekanike në Poliçan pasi ata kanë punuar për vite me radhë me lëndë kimike dhe me kalimin e viteve 80% e tyre janë me sëmundje profesionale,si rezultat i kontaktit të përditshëm me lëndën helmuese “Cianur”. Ata kanë kërkuar rishikimin e Ligjit 9179,dt.29.01.2014, “Për trajtim të veçantë të punonjësve që kanë punuar në disa ndërmarrje të industrisë ushtarake”,sigurimin e statusit të punonjësit civil të ushtrisë,në mënyrë që të dalin në Reformë dhe të mund të ushqejnë familjet e tyre.
