‘8 Marsi’ nuk është vetëm festë, gratë në Tiranë protestojnë para Teatrit

0
111

Jo të gjithë e kuptojnë esencën e ‘8 Marsit’, pasi shumica e shqiptarëve e dinë thjesht si një ditë feste, por “Dita Ndërkombëtare e Gruas”, është hedhur si ide për të kujtuar përpjekjet e grave për barazi, paqe dhe drejtësi dhe në të gjithë botën kjo ditë shoqërohet me protesta.

Ditën e sotme dhjetra gra të cilat ishin pjesë e organizatave të ndryshme u mblodhën përpara Teatrit Kombëtar të Operas dhe Baletit, ku kërkuan nga institucionet më shumë solidaritet ndaj grave, në veçanti ndaj grave rome dhe egjiptiane të cilat janë të diskriminuara jo vetëm për shkak të gjinisë por edhe etnisë e klasës.

“Kërkojmë barazi dhe dinjitet për gratë rome dhe egjiptiane”, u shpreh përfaqësuesja e Rrjetit të Grave rome.

Ideja për “Ditën Ndërkombëtare të Gruas’ u hodh fillimisht në fillim të shekullit të XIX-të, e cila ishte një periudhë e tronditur nga trazirat dhe shtimi i popullsisë, për botën e industrializuar.

8 marsi njihet si “Dita e Gruas”, në të gjithë botën, dita jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për dhe ndërtim në gati 9 dekada.