99 vjeçari thyen rekordin botëror në Australi

0
265

Një notar 99 vjeçar australian duket se ka thyer një rekord botëror për moshën e tij në në not në stil të lirë 50m. George Corones  theu rekordin e vendosur prej 56.12 sekondash në një event zyrtar në Queensland – një etapë e re për kategorinë nga 100 në 104 vjeç. Ai klipsoi rekordin e vendosur në 2014-n, duke kapur kështu kohën prej 35 sekondash. Corones, i cili është i pranueshëm për këtë kategori, pasi në Prill mbush 100 vjeç tha se ishte shumë i kënaqur dhe ndihej si “mbi re” nga rezultati. “Ishte një notim ekzempar për mua, i mirëbalancuar…..dhe isha gati të godisja murin shumë fort me dorën time në fund”-i tha ai BBC-së. 99 vjeçari shton se ishte shumë i shastisur nga turma e zhurmshme në “Bregun e artë” të Mërkurën. Eventi, në të cilin ai ishte anëtari i vetën, ishte ngritur enkas për të që të thyente rekordin.   Rekordmeni  Corones, nga Brisbane, thotë se ka qenë një notar shumë i mirë në rininë e tij, por i është rikthyer notit sërish në moshën 80 vjeçare. “Hoqa dorë në fillimin e luftës së dytë botërore dhe nuk e dija që bëja ndonjë notim kush e di çfarë, derisa u tërhoqa nga noti”-thotë ai. “Nisa të notoj sërish për ushtrime fizike”. Ai shton se të garojë ishte një sfidë e vërtetë fizike, por ishte diçka e menaxhueshme me përgatitje. Para garës ai notonte tri herë në javë dhe i nënshtrohej seancave gjimnastikore. “Në këtë moshë do një farë kohe të përgatitesh….lodhesh shumë më shpejt, por nëse e bën me ndjenjë, shpërblimi është stratosferik”-thotë ai. George ia kushton suksesin e tij vullnetit dhe teknikës. Rekordi i mëparshëm ishte 1:31.19, i vendosur nga notari anglez John Harrison në 2014-n. Gara e z. Corones zuri vend pak para garave të notit që zhvillohen muajin e ardhshëm në Australi. Drejtuesi i eventit “Swimming Australia” tha se rekordi varej nga verifikimi i Federatës Ndërkombëtare të Notit.  Corones do sfidojë rekordin në 100m stil i lirë të shtunën në mbrëmje, duke besuar se ai do t’ia arrijë të thyejë rekordin e vendosur 03:23.10, i vendosur edhe ky nga z.Harrison. “Nuk jam më djalë i ri në të gjithë kuptimet, por po shoh vetëm para dhe, e thënë në kofidencë, besoj se do ia dal më së miri”-përfundoi ai.