Athinë / I riu shqiptar gjendet i masakruar në mes të rrugës

0
522

Një ngjarje e rënë ka ndodhur ditën e djeshme në Athinën fqinje, ku një i ri shqiptar është gjetur i masakruar në rrugët e kryeqytetit.

Sipas të dhënave paraprake mësohet se i riu është një shqiptar 24 vjeç, identiteti i të cilit nuk bëhet i ditur për mediat, por thuhet se prindërit e këtij të fundit janë njoftuar për të shkuar dhe tërhqequr trupin e pajetë të djalit të tyre.

Autoritetet greke raportojnë, se viktimën e gjeti të përgjakur në mes të rrugës një kalimtar, rreth orës 5 të mëngjesit, në kryqëzimin e rrugëve “Ipolitu” dhe “Patision”. I riu shqiptar kishte plagë në gjoks të shkaktuara nga një send i mprehtë.

Nonëse 24-vjeçari ishte ende në jetë kur erdhi ambulanca, ai ka ndërruar jetë pak pasi ka hypur në mjetin e urgjencës dhe të drejtohej për në spital.

Sipas hetimeve paraprake mendohet se shkaku i kësaj vrasje të ketë qenë një çështje personale, por që nuk thuhet se cilat janë ato. Ndërkohë njoftohet se policia po heton për të arritur në eidentifikimin dhe arrestimin e autorëve të ngjarjes.