Efektivi nga Kruja gjen pakon me eksploziv në banesë, dyshimet e para të policisë

0
184

Një sasi lënde plasëse i është vendosur në banesë një efektivi të policisë. Fatmirësisht eksplozivi është pikasur nga banorët që kanë lajmëruar policinë dhe nuk ka shpërthyer.

Sipas të dhënave zyrtare, ngjarja ka ndodhur dje në fshatin Bubq, Krujë, në banesën e shtetasit I. D. 52 vjeç, një punonjës policie.

Nga hetimet rezulton se kjo sasi është vendosur gjatë natës të datës 29.06.2018. Policia po punon për identifikimin dhe kapjen e autorit, ndërsa është marrë edhe dëshmia e policit. Nuk dihet nëse ngjarja ka lidhje me detyrën apo me ndonjë konflikt tjetër.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale “Shkatërrimi i pronës me eksploziv” i mbetur në tentativë dhe “Prodhimi dhe mbajtja pa leje e armëve luftarake dhe e municionit”.