Gjyqtari i Krimeve të Rënda, apartament 165 metra katrorë me 49 mijë euro: Ishte okazion

0
107

Ka nisur paraditen e së martës procesi dëgjimor ndaj Dritan Hallunajt, gjyqtar i Krimeve të Rënda, i cili është i pranishëm dhe pa avokat.

ILDKPKI thotë se deklarimi i pasurive të gjyqtarit të Krimeve të Rënda është i saktë, i justifikuar dhe nuk ka fshehje pasurie. Ai ka një apartament 165 metra katrorë të blerë për 49 mijë euro. Apartamenti është blerë në vitin 2005, me 5 milionë lekë kredi dhe me kursime.

Rezulton se apartamenti është blerë me çmim më të ulët sesa vlera e tregut, por gjyqtari Hallunaj i tha KPK-së se e ka blerë me okazion, pasi ndërtuesi ishte në vështirësi financiare.

Për këtë arsye gjyqtari dorëzoi si provë kontratën e një banori tjetër që e kishte blerë edhe ai shtëpinë me okazion.

Vendimi për Dritan Hallunajn do të jepet në datën 1 gusht.