Greqi, mediat japin alarmin: Po na “mbyt” hashashi i Shqipërisë

0
96

Greqia duket se po alarmohet nga sasitë e drogës nga Shqipëria. Kështu thuhet në një artikull të një prej gazetave më të mëdha greke “Kathimerini”.
Kjo e fundit ka nxjerrë shifrat që i referohen sasive të drogës së kapura në territorin e tyre, origjina e të cilave ishte nga Shqipëria.

Me tej gazeta shkruan se “jane konfiskuar sasi të madhe droge, kryesisht kanabis, e cila arriti 232%, në dy vitet e fundit. Pavarësisht zbulimit të vazhdueshëm dhe gjurmimit përgjatë kufirit greko-shqiptar, ka ende shumë volum dërgimi”.

Sipas artikullit policia greke ka arritur në konkluzionin se tregtarët e drogës shfrytëzojnë kanalin mes Shqipërisë për dërgimin e saj në pjesën tjetër të Ballkanit, Evropës, nëpërmjet Italisë, madje edhe Turqisë.