Gruaja që vrau burrin tregon në gjykatë se e keqtrajtonte

0
117

Violeta Danaj u shfaq sot në gjykatën e Kurbinit për vlerësimin e masës së sigurisë  tre ditë pasi vrau bashkëshortin e saj Kujtimin në tregun e Milotit. E penduar dhe me lot në sy 35 vjeçarja tregon motivin: Me keqtrajtonte dhe luante bixhoz. Ende nuk e beson pse shkoi deri aty sa të vriste babain e dy fëmijeve të saj. Gjatë seances për vlersimin e mases së  sigurisë jashtë ambjenteve të gjykatës kanë qenë të pranishëm dhe  familjarët e 35-vjeçares. Ata nuk kanë folur asnjë fjalë në lidhje me  krimin e rëndë, duke e kaluar gjithçka në heshtje. Ngjarja e rëndë ndodhi mëngjesin e së dielës, 17 qershor, në tregun e Milotit. Nga hetimet e  deritanishme rezulton se në momentin e ngjarjes Kujtim Donaj ka qenë duke hapur mallin në tezgën që kishte në treg, kur ka ardhur gruaja e  tij dhe ka qëlluar 4 herë ndaj 42-vjeçarit, duke i shkaktuar vdekjen e  menjëhershme.  Çifti Donaj, prindër të dy fëmijëve, frekuentonin çdo fundjavë këtë treg, ku shisnin produkte të ndryshme dhe me të ardhurat e përfituara mbanin familjen. Dosja e saj do i kalojë Prokurorisë së Krimeve të Rënda e cila heton krimet në familje.