Rritja e kriminalitetit në Holandë, meprotagonistë shtetasit shqiptarë, ka bërë që Holanda të kërkojë rivendosjen e regjimit të vizave me Shqipërinë.
Sipas ABC News, kanë qenë Policia Holandeze dhe Prokuroria, që kanë këshilluar qeverinë e tyre të rikthejnë regjimin e vizave për shqiptarët në Shengen.
Kjo kërkesë është konfirmuar nga një memo e brendshme që përshkruan këtë raport të nisur për këshillim të qeverisë vendase, në të cilin kërkohet rivendosja e vizave.
Arsyet e kësaj kërkese kanë të bëjnë me rritjen e trafikut të drogës dhe qenieve njerëzore me protagonistë shqiptarët, si dhe me pastrimin e parave.
Ekzistenca e një raporti të tillë është konfirmuar edhe nga Policia e Amsterdamit, a cila shprehet se numri i të dyshuarve për vepra penale me kombësi shqiptarë përgjatë një viti është dyfishuar, duke shtyrë kështu kërkesën për masa më të ashpra.