Një person në Vlorë dyshohet për vjedhjen e dy makinave, ndërsa ju gjet lëndë narkotike në garazh dhe uniforma policie.
Gjatë ditës së djeshme, në bazë të informacioneve të marra në rrugë operative, policia ka ushtruar kontroll në një garazh në lagjen “Bashkimi” në pronësi të G.C., 25 vjeç me banim në Vlorë, i cili është shpallur në kërkim.
Në të janë gjetur dy automjete, një makinë Land Rover me targë AA 001 JU dhe Volkswagen Golf me targë AA 572 FM.
Nga hetimet e kryera ka rezultuar se këto mjete rezultojnë të vjedhura në dhjetor të vitit 2016 dhe në janar të 2017.
Gjithashtu, policia ka gjetur dhe sekuestruar dy veshje policie, uniforma, si dhe një sasi me lëndë narkotike prej 2 kg e 270 gr, e dyshuar kanabis sativa
Ndaj të dyshuarit vijon puna për kapjen e tij, ndërkohë që materialet i kaluan Prokurorisë së Tiranës për veprat penale “Vjedhja”, “Mbajtja pa të drejtë e uniformës” dhe “Prodhimi dhe shitja e narkotikëve”.
