Miliarderi George Soros, e ka mbrojtur donacionin e tij në fushatën anti-Brexit, duke thënë se ai mbështet plotësisht përpjekjet për të penguar Britaninë që të largohet nga Bashkimi Evropian.
Investitori i lindur në Hungari u përball me akuzat për ndërhyrje në politikën britanike javën e kaluar kur doli se kishte dhuruar 400,000 (558,000 dollarë) euro për grupin lobues pro-BE, ‘Best for Britain’.
‘Best për Britain’ po përpiqet të rekrutojë donatorë të mëdhenj në politikë dhe udhëheqës të biznesit për të ‘minuar’ Brexit.
Grupi thuhet se po lobon me deputetët për të votuar kundër marrëveshjes përfundimtare, një masë që mund të iniciojë një referendum tjetër ose zgjedhje të përgjithshme.
Në një artikull të shkruar për ‘Mail on Sunday’, 87-vjeçari i hodhi poshtë akuzat dhe konfirmoi se ai është një ‘mbështetës krenar’ i ‘Best For Britain’, sepse ai e konsideron Brexit një “gabim tragjik’.
‘Meqë Brexit është një propozim dhe një lëvizje ku humbin të gjithë, atëherë një votë parlamentare për ta frenuar këtë gjë do ishte më e mira’ shkruan Soros
