Kreu i parlamentit Meta ka dhënë një deklaratë për mediat para mjediseve të Kuvendit. Ai e ka përshëndetur arritjen e marrëveshjes dhe daljen e vendit nga kriza e thellë në të cilën ndodhej prej muajsh.
LSI ka sakrifikuar shumë për arritjen e kësaj marrëveshjeve që i dha fund krizës politike në vend. Kemi arritur një moment mjaft pozitiv krahasuar me atë që ishim para dy javësh. Rama arriti ta fitojë besimin e Bashës dhe kjo është për t’u përshëndetur. LSI e ka theksuar se nuk do kishte koalicion parazgjedhor pasi nuk kishte opozitë në zgjedhje dhe ka këmbëngulur që të mos ketë zgjedhje pa opozitën. Tani kemi edhe Vetting me opozitën dhe tani mund të vijojmë në rrugën e konsensusit.
Krahët e LSI janë të hapura për të gjithë dhe mund të them që LSI duhet të falenderojë edhe kryetarët e Partive Demokratike dhe asaj Socialiste për marrëveshjen e arritur. Ne synojmë që të dalim forcë e parë dhe jemi në rrugë të mbarë për të patur një rezultat mjaft të mirë në zgjedhjet e qershorit.
Pyetjes nëse do ketë një koalicion paszgjedhor me PD-në Meta tha se këtë gjë do e vendosin forumet e partisë.
