PD e Shkodrës organizon protestë të shtunën

0
194
Zjarr Televizion Ad This is a sample article. ...

Opozita do të protestojë të shtunën në Shkoder jo vetëm duke mbështetur biznesin me mbyllje te qepenave për 60 minuta, por axhendën e ka shtrirë edhe më tej.

Ajo do të nisë që prej orës 09.30 minuta në sheshin “Nënë Tereza” reagimin e saj kundër taksave të shtuara të qeverisë dhe diskriminit që kjo e fundit po i bën veriut të vendit. Shkodra sipas partisë demokratike është një prej qyteteve që po vuan më shumë pasojat e kësaj sjellje diskriminuese.

Protesta në sheshin “Nënë Tereza” megjithatë nuk do të jetë një model i mosbindjes civile, pasi selia blu ka porositur strukturat e saj që çdo gjë të jetë paqësore.

Kjo nënkupton edhe faktin se bashkia e Shkodres drejtohet nga e djathta dhe çdo dëmtim është kosto për qytetin.

Protesta e opozitës përkon me një axhende tjetër që përfaqësues të mazhorancës kanë parashikuar të shtunën në kryqendrën e veriut, ku do të kenë takime me strukturat e PS, si dhe në një shkollë të arsimit profesional.

Zjarr Tv Ad