Po të mos ishte Jozefina Topalli, unë s’do të isha në PD / U la jashtë liste sepse…

0
7902

Grida Duma, një nga figurat e spikatura në Partinë Demokratike, tashmë kandidate për deputete në Tiranë, e ftuar në studion e emisionit “Dritare” të Rudina Xhungës, ka komentuar mbi lënien jashtë liste të figurave të shquara të PD-së, përfshirë këtu edhe Jozefina Topallin.

Sipas saj vendimi për lënien jashtë të figurave siç është Jozefina Topalli ka qenë i vështirë.

Ka qenë një vendim i vështirë për lënien jashtë të Jozefina Topallit dhe nuk ka asnjë dyshim për kontributet e saj. Ka ardhur në ’96 kur disa prej ish themeluesve si Imami, ishin larguar. Pati mundësinë të kontribuonte në 22 vite. Ka shërbyer edhe në mbështetjen e zonjave. Pa mbështetjen e saj nuk do të isha as unë në PD. Kontributi i saj është i madh, i gjatë, i përhershëm në politikës shqiptare. Por partitë nuk duhet t’i shërbejnë vetëm politikës por edhe shoqërisë. Rezultati ka të bëjë edhe me shoqërinë shqiptare”, – tha Duma.

Sipas saj zërat kundër Bashës tregojnë se PD-ja ka individualitet.