Kryeminsitri Rama jep lajmin e mirë për çiftet e reja. Teksa zhvilloi konferencën me temë “Sfidat e emigracionit” Rama u shpreh se po punohet për një program kombëtar strehimi për çiftet e reja. Në këtë mënyrë sipas kryministrit të rinjtë nuk do të largohen nga vendi. “Jemi duke punuar për një program të ri strehimi në funksion të çifteve të reja. Besojmë se ka një mundësi të madhe se duke ju krijuar të rinjve një mundësi reale strehimi, ne ta bëjmë qëndrimin e tyre në vend shumë më të mundshëm dhe tundimin për t’u larguar se nuk kanë dot një shtëpi të tyre, shumë më të ulët. Është një masë kombëtare që vende të tjera e kanë bërë përpara nesh me sukses. Me të pasur një draft të parë të këtij programi, do të konsultohemi me disa prej partnerëve tanë kryesorë”, tha Kryeministri.
