Referendumi në Turqi, reagon BE: Duhet të bëni konsensus!

0
546

Komisioni i Bashkimit Europian ka reaguar pas publikimit të rezultateve për referendumin e mbajtur në Turqi. KE thotë se Turqia duhet të kërkojë konsensus më të gjerë kombëtar në ndryshimet kushtetuese, duke pasur parasysh gjithmonë referendumin e mbajtur këtë të diel.

Rezultatet, që ende nuk janë zyrtare tregojnë se Erdogan ka fituar me 51.39 për qind të votave në iniciativën që kishte, pasi kaq shtetas turq janë përgjigjur me “Po”. Në reagimin e Komisionit Europian thuhet se autoritetet turke duhet të bëjnë konsensus më të gjerë kombëtar.

Pas numërimit të votave, presidenti Erdogan tha se rezultati ishte i pastër, ndërsa ka pasur kontestime nga opozita.