Departamenti Amerikan i Shtetit me anë të Ndhihmës Sekretarit të Shtetit, i ngarkuar me çështjet e Evropës dhe Euroazisë John Heffern, ka dënuar dhunën në Kuvendin e Maqedonisë si dhe i ka dhënë mbështetjen e DASH-it kryetari të ri të tij, Talat Xhaferit.
Me anë të një telefonate me presidentin George Ivanov, Heffern i ka bërë të ditur atij se Dashi do të punojë me kreun e ri të Kuvendit, si dhe ka bërë thirrje për vënien para përgjegjësisë së autorëve të dhunës.
Dhuna nuk ka vend në procesin demokratik. Ne shprehim simpatitë më të thella për ata anëtarë të parlamentit që u lënduan gjatë sulmit si dhe për familjet e tyre. U bëjmë thirrje autoriteteve të Maqedonisë të garantojnë sigurinë e të gjithë anëtarëve të parlamentit, të hetojnë plotësisht sulmin dhe të venë para përgjegjësisë ata që kryen aktet e dhunës,” tha zoti Heffern, ku shtoi se ëvendës Ndihmës Sekretari i Shtetit Hoyt Yee do të jetë të hënën në Shkup për t’u takuar me udhëheqësit politikë dhe për të përcjellë të njëjtin mesazh.
