Donald Trump betohet sot si Presidenti i ri i Shteteve të Bashkuara të Amerikës. Mbrëmjen e së enjtes, ai bashkë me familjen shkuan në Lincoln Memorial, të Washington, për koncertin që u mbajt një ditë para inaugurimit.
Trump mbërriti i kapur për dore me të shoqen Melania, nën tingujt e “Heart of Stone” të Rolling Stones. Që të dy u pritën me brohorima të shumta, ku thirrej “Trump! Trump!” dhe “SHBA! SHBA!”.
Bashkë me Presidentin e ri ndodhej edhe vajza Ivanka dhe dhëndri Jared Kushner, të cilët pritet të kenë rol qendror në Shtëpinë e Bardhë.
“Dua të bashkoj vendin. Udhëtimi nisi 18 muaj më parë. Ajo që dua është një ndryshim real. Dua të bashkoj vendin dhe ta bëj Amerikën sërish të madhe. Të madhe për të gjithë”, tha Trump gjatë koncertit.
