Sot është dita kundër duhanpirjes dhe pirja e duhanit llogaritet si një nga shkaktarët kryesorë që ndikojnë në uljen e jetëgjatësisë në shumë vende.
Edhe pse në shumë vende numri i personave që e konsumojnë ka filluar të bjerë, sërish në shumë vende ai është një nga shkaktarët kryesorë të sëmundjeve dhe vdekjeve.
Në 24 vende, duhanpirja mban peshën kryesore të sëmundjeve që çojnë në shkurtimin e jetëgjatësisë dhe në vdekje të parakohshme.
Ndërsa në 37 vende të tjera duhani vjeni i dyti në këtë listë dhe shumica e këtyre 61 vendeve janë të pasura.
Edhe pse numri i duhanpirësve po bie, kjo ndodh sepse moshat e reja nuk po e mësojnë duhanin dhe jo për faktin se moshat e mëdha po e lënë.
Nuk mund të thuhet e njëjta gjë për vendet e varfra ku jetëshkurtësia vjen jo vetëm për shkak të duhanpirjes por është e kombinuar me të tjerë faktorë si cilësia e keqe e ujit të pijshëm, kequshqyerja dhe standartet e ulëta në shërbimin shëndetësor.
