Vlorë, policia sekuestron paratë e një biznesmeni

0
161

Policia e Vlorës ka ngrirë llogaritë bankare të një biznesmeni vlonjat me inicialet A.I.A, i cili është nën hetim për pastrim Parash.

Për pasojë janë sekuestruar 531 mijë USD.

Njoftimi i policisë:

“Në kuadër të luftës kundër krimit të organizuar si dhe sekuestrimit të pasurisë që rrjedh nga veprimtaria kriminale, në vitin 2017 është hapur proçedimi penal i regjistruar për veprën penale ” Pastrimi i produkteve të veprës penale ose veprimtarisë kriminale” për hetime të pasurisë së shtetasit A.I.A.

Si rezultat i vijimeve të veprimeve të kryera, është bërë ekzekutimi i vendimit të Gjykatës së Rrethit Gjyqësor Vlorë , datë 9.08.2017 e cila ka vendosur caktimin e masës së sigurimit pasuror, sekuestro preventive mbi llogaritë bankarë të shtetasit A.I.A në një bankë të nivelit të dytë për shumën 531.031 USD.”