Zidane: Dua që Isco të qëndrojë

0
135

Zinedine Zidane ka përgënjeshtruar zërat që thonë se trajneri francez nuk e do më në skuadër mesfushorin Isco.“Para pak kohësh më kritikonin sepse nuk blija futbollistë në merkato. Unë besoj te ekipi im dhe do të besoj gjithmonë, deri në fund. Kur e nis diçka, e përfundoj dhe besoj në atë që bëj. E dua Iscon dhe dua që të qëndrojë përgjithmonë te Reali. Është shumë i mirë dhe e ka treguar këtë”, deklaroi Zidane në konferencën e shtypit përpara sfidës Real Madrid-Real Sociedad. Kur u pyet se pse Isco nuk ka luajtur shumë minuta në ndeshjet e fundit, francezi tha: “Po të tjerët? Kam dhe Asension për shembull. Për mua i rëndësishëm është ekipi. Ka mundësi që Isco të mos i luajë të gjitha ndeshjet që kanë mbetur, por është shumë i rëndësishëm dhe i besoj”.