Vetëm pak metra larg Maternitetit të Ri, aty ku dritat nuk fiken kurrë, jeton Gjergji Zhgaba, një 60-vjeçar i cili prej tre muajsh ndodhet në errësirë.
Në muajin qershor, fatura e dritave i ka ardhur mbi 1 milion lekë, edhe pse ka vetëm 2 llamba në shtëpi. OSHEE i ka prerë dritat, pasi nuk ka paguar shumën.
“Shteti më jep 1 milion lekë, unë nuk kam as fabrikë më burrë, po dy poça kam moj zonjë, nuk kam të tjera. Jam interesuar, as të bëj ankesë nuk më lënë”, tregon 60-vjeçari.
“Kam që në ’75-n që po jetoj, baba e nëna më kanë ikur. S’kam fëmijë, nuk kam çfarë bëj tjetër. S’kam asnjë të ardhur, jam i papunë, as ndihmë sociale as pension asgjë, po mbijetoj vetë”, thotë Gjergji.
Miqtë dhe familjarët, thotë kanë hallet e tyre. Rregullon biçikleta e me ato pak para që fiton, siguron ushqimin për ditën.
