106 ‘thikënotat’ e raportit të OSBE/ODHIR që bëjnë copë e grimë, narkoshtetin e Edvin Mafisë!

0
19
Zjarr Televizion Ad This is a sample article. ...

Nga Sali Berisha.

Nëqoftëse raporti i Misionit të Vëzhguesve të OSBE/ODHIR i dha një goditje, siç thonë mediat, nukleare, narko-shtetit dhe regjimit të kakistokracisë së Edvin Kristaq Mafisë, dua t’u rikujtoj këtu se përveç nekrologjisë prej 33 faqesh të narko-shtetit që ai bën, raporti në një akt të pashembullt në historikun e raporteve të OSBE/ODHIR, përmban edhe 106 footnota, të cilat në rrjetet sociale gjerësisht i kanë quajtur 106 thikënota.

Ato u quajtën në mënyrë figurative thikënota, sepse cilido që i lexon, menjëherë konstaton se bëjnë copë e grimë, kadavrën e pakallur të narko-shtetit të parë në historinë e Evropës. Unë u ndala në këtë fakt për t’u ftuar ju miq t’i lexoni thikënotat.

Ato footnota vërtet janë shkruar me germa të imta, por ato, de facto janë tmerrësisht vrastare dhe damkosin pa doreza si kriminel kombëtar dhe ndërkombëtar – për shkak të konventave kryesore ndërkombëtare që kanë dhunuar – personalisht Edvin Kristaq Mafinë, Don Djall Agaçion, Sugar Fugën dhe të gjithë zyrën e kryekreut të meduzës, narkoparlamentin, Don Gramozin dhe Toyota Yaris, me narkomazhorancë dhe pseudo opozitën e tyre;

Denar Bibën me horrat kanabistë të KQZ, gjeneral Hashashin, Ardi Eskobarin, narko-horrat e tyre me uniformë, narko-prokurorët, narko-gjykatësit e partisë së krimit, klientelën e narko-shtetit në tërësi dhe në veçanti atë mediatike me në krye Arben Malavitën;

lukuninë e militantëve fanatikë kanabistë dhe komisionerët si dhe kandidatët e farsës narko-moniste dhe skllevërit e administratës së narko-shtetit të Edvin Mafisë.

Duke iu referuar me saktësi Kushtetutës, ligjeve të vendit dhe neneve të konventave kryesore ndërkombëtare, dhjetëra e dhjetëra akteve dhe fakteve të pakontestueshme të nxjerra nga kontaktet dhe vëzhgimet e Misionit, thikënotat e raportit damkosin personalisht Edvin Mafinë dhe të gjithë establishmentin e piramidës së narko-shtetit, si gënjeshtarë ordinerë, si kriminelë pa moral që nuk njohin asnjë parim, birbo që dhunojnë për pushtetin e tyre çdo ligj kushtetues apo organik të vendit, zuzarë që shkelmojnë çdo ligj ndërkombëtar për karrigen e tyre.

Raporti i vëzhguesve të OSBE/ODHIR prej 33 faqesh, në rreth 150 paragrafët dhe 106 thikënotat e tij, kanë shkatërruar dhe bërë copë e çikë, regjimin e kakistokracisë dhe narko-shtetin e Edvin Mafisë, por do të ishte naive, absurde dhe e pafalshme që të prisnim që raporti apo kushdo nga ndërkombëtarët do të vinte ta groposte atë.

Është në detyrimin dhe misionin historik të popullit vigan opozitar ta groposi qelbësirën, një minutë e më parë!

Zjarr Tv Ad