Ariu i murrmë Mark, i cili kaloi dy dekada në një kafaz shumë të vogël në një restorant në Tiranë, ka mbërritur në Austri.
Shoqata austriake ‘Vier Pfoten’, e përfshirë në ndihmën e kafshëve, bëri të mundur transferimin e ariut Mark nga Tirana drejt Austrisë.
Pas mbërritjen së Austri, CNN ka bërë edhe një shkrim ku thotë se pas më shumë se njëzet vjetësh në robëri, Marku, i fundit nga “arinjtë e restorantit” të Shqipërisë, ka mbërritur i sigurt në shtëpinë e tij të re.
“Të ashtuquajturat “arinj restoranti” janë mbajtur historikisht në kafaze të vogla pranë restoranteve ose hoteleve, ku shërbenin si një atraksion për turistët”, sipas Four Paws. Në vitin 2016, organizata jofitimprurëse nisi fushatën “Arinjtë më të trishtuar” në një përpjekje për të zhvendosur më shumë se 30 arinjtë që përdoren si argëtim në vend.
Marku, një ari i murrmë 24-vjeçar, është “ariu i restorantit” i fundit i njohur në Shqipëri, sipas një njoftimi nga Four Paës, megjithëse ka arinj të tjerë në robëri në rrethana të vështira në vend. Ai u shpëtua më 7 dhjetor dhe mbërriti në shtëpinë e tij të re, “BEAR SANCTUARY Arbesbach” në Austri.
Kur Four Paës takoi Markun për herë të parë, kafsha vuante nga probleme të rënda shëndetësore. Ai ishte mbipeshë, kishte dhëmbë të thyer dhe shfaqte sjellje “jonormale” si ritmi për shkak të mungesës së stimulimit në kafazin e tij të ngushtë, tha Four Paës në një njoftim të mëparshëm për shtyp.
Ariu nisi një udhëtim 44 orësh për në shtëpinë e tij të re, sipas organizatës. Ai udhëtoi nëpër Maqedoninë e Veriut, Greqinë, Bullgarinë, Rumaninë dhe Hungarinë përpara se të arrinte më në fund në strehën e re që do të përshtatet me habitatin e tij.
“Ne bëmë ndalesa të rregullta për veterinerin tonë shoqërues për ta kontrolluar atë dhe e ushqenim me fruta dhe perime,” tha në njoftim Magdalena Scherk-Trettin, e cila koordinon projektet e shpëtimit dhe avokimit të kafshëve të egra të Four Paës. “Pasi mori një dietë të papërshtatshme me mbetje restoranti dhe kryesisht bukë për dy dekada, ai ishte pak ngurrues për perimet, por hante me kënaqësi rrushin që i dhamë.”
Marku ishte i ngadalshëm për të eksploruar habitatin e tij të ri me dëborë, sipas Four Paës. Ai nuk kishte dalë nga një kafaz për më shumë se njëzet vjet. Ariu do të qëndrojë në një hapsirë të vogël në natyrë për momentin derisa të përshtatet me mjedisin e tij të ri dhe të zhvendoset në një hapësirë më të madhe.
