15 persona janë arrestuar mëngjesin e sotëm (14 korrik) në Monza të Italisë pasi kryenin grabitje në banesa.Ata vidhnin bizhuteri, orë të çmuara e më pas i shndërronin në shufra ari. Mes të arrestuarve ishin 7 shqiptarë, 6 italianë dhe 2 egjiptianë. Të arrestuarit, 10 në burg dhe 5 nën arrest shtëpiak, konsiderohen pjesë e një bande të specializuar për vjedhjet në banesa dhe u janë sekuestruar pasuri me vlerë më shumë se 315 mijë euro. Puna e karabinierëve, e udhëhequr nga Major Saverio Sica, filloi në maj të vitit 2018 dhe vijoi në Paderno Dugnano, ku kishte dy baza operative të drejtuara nga dy shtetas shqiptarë të dedikuar për riciklimin e bizhuterive të vjedhura nga shtëpitë. Midis Milanit dhe Monzës, nga ana tjetër, ushtria gjurmoi grupet që hynë në veprim, të gjithë shqiptarët që planifikuan dhe kryenin goditje në shtëpi në të gjithë Italinë Veriore. Po në këtë zonë, hetuesit identifikuan dy blerës ari dhe një dyqan bizhuterish që punonin arin e më pas e nxirrnin në shitje. Karabinierët gjithashtu konstatuan se banda shpesh përdorte drejtuesit e autobusëve për të sjellë para nga Italia në Shqipëri.
