Garues i Moto GP, Maverick Vinales, ka shpëtuar mrekullisht nga një situatë jashtëzakonisht e rrezikshme. Moto GP është plot me gjëra interesante dhe garat e fundit tregojnë se sa i rrezikshëm është ky sport. Garuesit me motoçikleta të fuqishme shpesh ndodhen në situata të rrezikshme, ndërsa reflekset e shpejta dhe aftësitë drejtuese shpeshherë ua shpëtojnë jetën.
Vinales ka shpëtuar mrekullisht në dy raste në një periudhë të shkurtër kohe. Së pari, javën e kaluar në garën e Austrisë, pas një përplasje mes francezit Johann Zarco dhe italianit Franco Morbidelli, një motor fluturoi sipër kokës së tij.
Ndërsa para disa ditësh, në një garë në Styria, frenat e spanjollit dështuan në një Yamaha. E vetmja gjë e duhur që mund të bënte ishte të hidhej nga motori. Sidoqoftë, problemi ishte në atë çast ai po ecte me shpejtësi prej 228 km/h.
25-vjeçari ka thënë se ishte e frikshme dhe ai duhej të hidhej nga motori. Më vonë u përcaktua se frenat dështuan për shkak të mbinxehjes.
