Furgoni i pasagjerëve i cili ishte përshtatur si ambulancë, tani më i përket së shkuarës.
Për herë të parë, që nga viti 1993, qyteti i Belshit ka një ambulancë prej vërteti, me shërbimet kryesore moderne të urgjencës mjekësore.
E gjitha ka ardhur si një dhuratë nga Bijat e Dashurisë së shën Vincenzo de Paoli” në Mollas në bashkëpunim me Caritasin e Shqipërisë së Jugut.
” Kjo ishte vërtet për çfarë kishte nevojë Belshi.Pas shumë përpjekjesh të dështuara me institucionet publike, fal zemërgjersisë së “Bijat e Dashurisë së shën Vincenzo de Paoli” në Mollas në bashkëpunim me Caritasin e Shqipërisë së Jugut, u dhurua një ambulancë e kompletuar me shërbimet kryesore moderne të urgjencës mjekësore.
Një mundësi më shumë për ekipin mjekësor të Qendrës Shëndetësore Belsh për t’u shërbyer më mirë e më shpejt qytetareve në raste nevoje dhe urgjence. Turizmi ka vlerën e tij, por aty banojnë 32 mijë banorë rezident.
Kjo është ambulanca e parë që prej vitit 1993. Aktualja është një furgon pasagjerësh përshtatur në ambulancë. Komplimente për durimin Arif Tafani”, shkruan gazetari Arsen Rusta.
