Instituti i Gjeoshkencave, Energjisë, Ujit dhe Mjedisit pret që pasditen e kësaj të enjte (07 Janar) dhe nesër (08 Janar) të ketë reshje shumë intensive në qarqet Shkodër, Kukës, Dibër, Lezhë, Vlorë dhe Gjirokastër.
Në qarqet Durrës, Tiranë dhe Elbasan priten reshje intensive deri lokalisht shumë intensive, ndërsa në qarqet Fier, Berat dhe Korçë mesatare deri lokalisht intensive.
Reshjet do të shoqërohen me shtrëngata. Në veri dhe lindje në lartësitë mbi 600 metra reshjet do të jenë në formë bore.
Ndërkohë në qytetin e Beratit reshjet e ditëve të fundit kanë sjell probleme në qarkullimin e automjeteve . Kjo si pasojë e shkëputjeve të gurëve shkëmbor që përfundojnë në rrugë.Gurët bien nga mali dhe sjellin probleme në qarkullimin rrugor te automjeteve. Automjetet qarkullojnë me vështirësi duke anashkalur gurët e shkëputur nga mali ,dhe duke u berë burim aksidenti.
