Grida Duma, ka deklaruar shumë e bindur se; opozita do të fitojë zgjedhjet më 25 prill. Gjithashtu, Duma është shprehur se; kjo fitore tregohet edhe nga sondazhet.
Ish-deputetja, ka komentuar edhe kandidimin e Lulzim Bashës në Tiranë, ku tha se; kjo kandidaturë ka energjitë maksimale, për të përmirësuar gjërat.
“Kjo nuk është një çështje numrash sepse nuk dua absolutisht të vendosem në situatën që thamë 25 dhe morëm 22, ky është një diskutim që realisht duhet parë deri në minutën e fundit. Por një gjë është e qartë, sondazhe që vijnë nga grupe interesi të pavarura dhe sondazhe që vijnë nga input-et e brendshme që kemi ne, sondazhe që vijnë nga dijenia që kemi për kundërshtarin, në të gjitha kryqëzimet, nuk ka një që nuk e nxjerr koalicionin opozitar fitues. Kjo është gjëja më e rëndësishme”, është shprehur Grida Duma, për “Quo Vadis”.
