Edona Bilali, është diplomuar për administrim biznesi në Universitetin e Tiranës, ku kryeson listën e socialistëve në Shkodër.
Nëpërmjet një lidhje në “Opinion”, Bilali tha se; ftesa për të qenë pjesë e listës, i ka ardhur drejtpërdrejt nga Kryeministri Edi Rama.
Pjesë nga biseda
Bilali: Propozimi ka qenë një surprizë. Kryeministri më thirri në takim. Ishte e takimi i parë, nuk jemi takuar më përpara. Bëmë një takim, ndamë vizionin për Shkodrën kryesisht.
Fevziu: Si ju thirri? Alo jam Edi Rama! Nuk kishte struktura partie?
Bilali: Nuk më mori dikush nga PS , më mori dikush në emrin e Kryeministrit për të patur një takim me zotin Rama, jam takuar personalisht në zyrën e tij.
Fevziu: Personalisht ua bëri ftesën?
Bilali: Ka qenë në zyrën e Kryeministrit, mes meje dhe zotit Rama. Ndamë vizionin dhe me sa kuptova me atë çfarë foli që për këtë 4 vjeçar ai e kishte seriozisht. Dhe nëse ai e ka seriozisht unë e kam akoma më seriozisht, sepse kam motiv personal për të bërë ndryshim në Shkodër.
