Kreu i Grupit Parlamentar të Partisë Socialiste Taulant Balla ka marrë pjesë në një takim online të Presidencës së PSE, me drejtuesit më të lartë të partive socialiste dhe socialdemokrate europiane
Në një postim në Facebook, Balla shprehet se në këtë takim u diskutua mbi harmonizimin e qëndrimit në lidhje me çështje të rëndësishme të politikës së brendshme dhe të jashtme të BE.
Postimi i plotë i Taulant Ballës:
Kënaqësi të merrja pjesë në Takimin (online) të Presidencës së PSE, me drejtuesit më të lartë të partive socialiste dhe socialdemokrate europiane, ku u diskutua mbi harmonizimin e qëndrimit në lidhje me çështje të rëndësishme të politikës së brendshme dhe të jashtme të BE
Në takim ishin të pranishëm kryeministra të vendeve anëtare si Kryeministri i Suedisë Stefan Löfven, Kryeministri i Portugalisë Antonio Kosta, Kryeministri i Maltës Robert Abela dhe përfaqësues të institucioneve të Bashkimit Europian si Josep Borrell, Përfaqësuesit i Lartë i BE-së për Punët e Jashtme dhe Politikën e Sigurisë dhe David Sassoli, Presidenti i Parlamentit Europian.
Në fjalën e tij Josep Borrell theksoi rëndësinë e unifikimit të qëndrimit në çështje me rëndësi të politikës së jashme dhe të avancimit të vendeve të Ballkanit Perëndimor drejt axhendës europiane.
Krenar të theksoj që Shqipëria prej vitesh është vendi i vetëm i Ballkanit Perëndimor që ka një politikë të jashtme 100% në përputhje me politikën e jashtme të Bashkimit Europian.
