Ditën e djeshme, ndalesa e Kryeministri Edi Rama, në kuadër të fushatës elektorale të zgjedhjeve të 25 Prillit, ishte në Dibër, teksa është përballur edhe me thirrjet “Rama ik”.
Nga ballkoni i një banese, një qytetar i bëri këtë thirrje Kryeministrit, teksa nuk ka vonuar as përgjigja e këtij të fundit.
Rama u shpreh se nuk ka ku të shkojë, e tregoi episodin që i ndodhi në mëngjes, në tunelin e tretë në Rrugën e Arbrit. Ai tha se edhe aty u ndesh me një demokrat, i cili e pyeti se kush do të fitojë? Ndërsa përgjigja e Kryeministrit, ishte fiton Shqipëria dhe do nxjerrim Partinë Demokratike nga tuneli.
“Doli një atje Rama ik, ku të iki mo, doli në ballkon. I erdhi mesazhin pllaka e gramafonit. Ku të shkojë? E kam fakt, thonë të vërtetët të shkretët, ik se na plase sepse nuk munden dot. Nuk ka rëndësi, takova m’u në tunel një demokrat. Më doli me maskë dhe më tha, a të bëjmë një selfie, dakord e bëjmë i thash. Më tha kush fiton? Populli shqiptar i thashë dhe po pa merak se edhe PD do e nxjerrim nga tuneli. Ishte tuneli tre, si mandati tre.
Po këta që thonë Rama Ik, për të ik në Tiron, do i bien nga rruga jonë dhe jo e Lulit. Luli kishte thënë do hap Universitet në Peshkopi, prapë nga e para. Jo ne nuk do të hapim universitet në Peshkopi, por do të bëjmë që të rinjtë e të rejat të universitet e Tiranës dhe do të sjellim universitetet më të mira Evropiane, ku do të merret një diplomë e njëjtë me ato të universiteteve Evropiane. . Universitetet në Peshkopi i hap Luli dhe dekan do të jetë Xhelal Mziu”, u shpreh Rama.
