Kryetari i Partisë Demokratike, Lulzim Basha ka votuar pak kohë më përpara në njësinë numër 8 në lagjen e tij.
Më pas, Basha ka bërë një postim në rrjetet sociale ku shkruan se sot është një ditë historike dhe fillimi i një epoke të re për Shqipërinë.
Kreu i PD-së u ka bërë thirrje qytetarëve që të dalin dhe të votojnë pasi sot është dita e Shqipërisë.
Postimi i plotë:
Sot është një ditë e mrekullueshme për vendin tonë. Është një ditë historike. Sot të gjithë kemi fuqinë e votës në duar – për vendin tonë, kombin tonë, fëmijët tanë, të ardhmen tonë. Ky është fillimi i një epoke të re për Shqipërinë.
Dilni dhe votoni – është koha juaj! Çdo grua, burrë, çdo familje – dilni dhe votoni. Mos rrini në shtëpi – sot është dita juaj. Është dita e demokracisë. Është dita e Shqipërisë. Është dita e fëmijëve tanë. Dilni dhe votoni!
