Ditën e sotme kanë mbërritur në Shqipëri 267 ushtarë amerikanë, të cilët do të marrin pjesë në stërvitjen shumëkombëshe “Defender Europe 21”.
Në aeroportin e Rinasit ishte edhe ambasadorja amerikane Yuri Kim, e cila u shpreh se kjo stërvitje do të sjellë edhe përfitime ekonomike për Shqiëprinë. Ambasadorja u shpreh se deri më tani SHBA ka shpenzuar 35 milion dollarë për punësimin e shqiptarëve si shoferë, punëtorë ndërtimi apo kuzhinierë.
“Është një ditë emocionuese. Jemi këtu për të parë ardhjen e trupave amerikane që vijnë në Shqipëri për stërvitjen më të madhe të bërë në këtë rajon.
Shqipëria është mikritësi kyç nga të gjithë vendet e Ballkanit. Kjo është historike. Dua të nënvizoj se kjo stërvitje përveç përfitimi ushtarak sjell me vete punë dhe injektimi në ekonominë.
SHBA ka shpenzuar 35 mln dollarë për punësimin e shqiptarëve si shoferë, punëtorë ndërtimi apo kuzhinierë. Ne do të kemi më shumë se 6000 ushtarë amerikanë këtu, jo të gjithë njëherësh por herë pas herë”, tha ambasadorja.