Ekipi i parë i mjekëve nga Turqia kanë ardhur në Spitalin e ri Memorial të Fierit. Në datën 27 Maj, spitali do të hap dyert për të pritur pacientët e parë. Të pranishëm kanë qenë mjekët turq dhe kolegët e tyre shqiptarë që do të punojnë së bashku.
“Të enjten në datë 27 Maj do të jetë momenti i hapjes së dyerve të spitalit. Ne kemi vendosur të jemi në një organizim me faza. Faza e parë do jenë urgjencat kirurgjikale…”, u shpreh ministrja Ogerta Manastirliu.
Ndërkohë, një mjek i ardhur nga Turqia tha se sot bashkë me të kishin ardhur dhe 8 kolegë të tjerë, e më pas në ditët në vazhdim do të vijë dhe pjesa tjetër e ekipit. “Një pjesë e ekipit tonë kanë ardhur. 7-8 mjekë. Për 15 ditë do të vijë dhe pjesa tjetër. Do arrijmë të bëjmë gjëra shumë të mira në këtë spital”, tha ai.
