Para dy ditësh, Federata Shqiptare e Futbollit, i ka nisur një kërkesë zyrtare Ministrisë së Shëndetësisë dhe asaj të Sporteve, që të hapi dyert e stadiumit “Air Albania” për një numër të kufizuar tifozësh në ndeshjen finale të Kupës së 69-të të Shqipërisë.
Për këtë arsye, FSHF ka vendosur, që ndeshjen finale të Kupës midis Skënderbeut dhe Vllaznisë, nga data 30 ta spostojë më 31 maj, në pritje të një përgjigje pozitive nga organet vendimmarrëse shëndetësore, duke patur parasysh që gjatë javëve të fundit, numri i të infektuarve është reduktuar ndjeshëm në vendin tonë.
Modalitet e hapjes së stadiumit, do të bëhen të ditura, vetëm nësë organet shëndetësore do të ndezin dritën jeshile për praninë e tifozëve shqiptarë në shkallët e stadiumeve, çka në mjaft vende të kontinentit tashmë janë zyrtarizuar…
