Ish-presidenti amerikan Donald Trump ka uruar presidentin aktual të SHBA Joe Biden për takimin që pritet të zhvillojë me homologun rus, Vladimir Putin në Gjenevë të Zvicrës, por edhe i ka dhënë një këshillë.
“Shumë urime dhe fat të mbarë Joe Biden për takimin me Vladimir Putin. Mos fli gjumë gjatë takimit dhe të lutem përcillini atij përshëndetjet e mia më të ngrohta“, thuhet në mesazhin e Trump.
Urimi i Trump vjen një ditë pas takimit të Biden me kryeministrin e Britanisë Boris Johnson në Angli.
Biden do të zhvillojë një takim me Putin në Gjenevë të Zvicrës më 16 qershor, ku do të diskutohen një serë çështjes, mes tyre dhe pandemia e Covid-19 që përfshiu gjithë botën prej më shumë se një viti.
Të dy udhëheqësit do të takohen ballë për ballë për herë të parë mes tensioneve SHBA-Rusi.
