Fatbardh Kadilli, një nga kandidatët që ishte në garë për kreun e ri të PD, ka dhënë një deklaratë për media, ku edhe ka thënë se i njeh zgjedhjet.
Ai është pyetur nga gazetarët, nëse i druhet se pasi ka kundërshtuar Lulzim Bashën tani që ai u rizgjodh mund ta heqin nga PD. Kadilli u shpreh se s’ka asnjë shans që kjo të ndodhë. Ai tha se Basha e ka gjetur atë në PD dhe se aty do ta lërë.
“Nuk ka asnjë shans që dikush të marrë vendime kundër statutit të Partisë. Akuzat ndaj kryetarit janë gjëja më e shëndetshme që mund të ndodhe në një parti. Ajo që kam përjetuar si kënaqësi, është se dhe kur e kam ditur se ai përballë ka votuar tjetër kënd, nuk kam pasur akuza. Që të kemi sukses duhet të ngremë një opozitë të re,” tha Kadilli.
“Në këtë parti Luli më ka gjetur dhe do të më lërë mbrapa, në parti nuk vijmë se jemi shokë, por vijmë se kemi bindje të përbashkëta,” tha ai.
Ndësa i pyetur se nëse i ka dërguar mesazh Bashës për fitoren ai tha “gara ishte e pabarabartë, në këto kushte nuk mund ta uroj”.
