Kreu i Partisë Demokratike, Lulzim Basha është takuar sot me ambasadorin e Japonisë në Shqipëri, Takada Mitsuyuki.
Përmes një postimi në Twitter, Basha thotë se i ka shprehur mirënjohje ambasadorit për ndihmën që ka ofruar ndër vite në sektorë të ndryshëm të ekonomisë dhe infrastrukturës.
Kryedemokrati shprehet më tej se PD do të vazhdojë të mbështesë bashkëpunimin ekonomik në investimet japoneze.
“Sot pata kënaqësinë të mirëpres Ambasadorin e Japonisë në Shqipëri, z. Takada Mitsuyuki. I shpreha mirënjohjen për ndihmën që Japonia bujarisht ka ofruar ndër vite në sektorë të ndryshëm të ekonomisë dhe infrastrukturës. PD do të vazhdojë të mbështesë bashkëpunimin ekonomik me theks të veçantë në investimet japoneze dhe turizmin”, shkruan Lulzim Basha.
