Sot pasdreke nga burime për mediat u bë me dije se SHÇBA ka vënë nën hetim 20 punonjës policie në Elbasan, pasi ka indicie se janë të përfshirë në kultivimin e kanabisit.
Mirëpo ky lajm është përgënjeshtruar nga institucioni i Shërbimit për Çështjet e Brendshme dhe Ankesave, duke thënë se informacioni është i pavërtetë.
Në njoftim thuhet se nga analizat e kryera nga SHÇBA, qarku i Elbasanit klasifikohet në nivel me risk të ulët sa i përket kultivimit të bimëve narkotike.
Njoftimi i SHÇBA
Lidhur me lajmin e publikuar në disa portale informative se SHÇBA po heton rreth 20 punonjës policie në DVP Elbasan për përfshirje në kultivimin e kanabisit, sqarojmë opinionin publik se ky informacion nuk ështe i vërtetë.
Theksojmë se nga analizat e kryera nga SHÇBA, qarku i Elbasanit klasifikohet në nivel me risk të ulët sa i përket kultivimit të bimëve narkotike.
SHÇBA mbetet e hapur për të bashkëpunuar me të gjitha mediat në kuadër të transparencës me publikun.
