Ministrja Elisa Spiropali thotë se PS, me shumë gjasa, do të mbledh në fund të muajit gusht Asamblenë e Përgjithshme. Nën drejtimin e Edi Ramës, aty do të vendoset për emrat e rinj, të cilët do të jenë pjesë e kabinetit të ri, për mandatin e tretë.
E pyetur nëse do tí vinte keq nëse s’do jetë pjesë e ekipit në shtator, ajo u shpreh se atë e vendos kryeministri Rama. Për tërheqjen e Gramoz Ruçit nga politika, Elisa Spiropali u shpreh se ai është një politikan i pazëvendësueshëm.
Për deklaratat e opozitës për operacionet e organeve të reja të drejtësisë, në News 24 ajo tha:
“Është ironike sesi opozita zgjedh të bëj hierarkinë e peshqeve në Shqipëri, kur në kohën që kjo opozitë ka qenë qveveri e këtij vendi, nuk ka guxuar leje më të votonin një Reformë në Drejtësi, që shkul kthetrat e tyre nga gjykatës e prokurorë. Partnerët na kanë mbështetur, kundërshtarët na kanë qenë të shumtë.”
Çfarë do të jetë ndryshme në Qeverinë e re?
– Shumë e thejsht. Ne nuk kemi ndërmend të angazhohemi në asnjë debat publik të pavlerë për qytetarët. Që nuk prodhon alternativa më të mira për qytetarët. Nuk do angazhohemi në qeverinë e sulmeve personale.
Për opozitën kemi pasur përherë të njëjtën kërkesë: Jemi shqiptarë, të ulemi në tryezë dhe të gjejmë pikat e përbashkëta për çështjet kombetare. Më shumë se 90% e shqiptarëve duan të integrohen në BE. Si bëhet kjo, duke bashkëpunuar.
Qeveria e re me emra të njohur apo të panjohur dhe të mirëkualifikuar?
– Nuk ka asnjë rëndësi sa të njohur e të panjohur, dhe cilët emra janë. E rëndësishme është që ne të votojmë programin tonë qeverisës për 4 vitet e ardhshme, në shtator.
Ju vend keq nëse nuk do jeni në Qeverinë e re?
– Nuk është çështje keqardhje. Nuk mund ti hy një diskutimi sepse nuk është në tagrin tim, por në tagrin e kryeministrit. Do ta diskutojmë në Asamblenë e Përgjithshme në fund të muajit gusht.
Tërheqja e Gramoz Ruçit
– Nuk e di a mund të zëvendësohet Gramoz Ruci. Është një personalitet i vecantë, i rrallë, i politikës shqiptare. Ishte zgjedhja e tij largimi me shumë dinjitet. Do na mungoj por do ta kemi pranë me këshillat e tij.
Sali Berisha në Kuvend?
– E ka deklaruar, nuk do i ndahet skenës politike shqiptare edhe ashtu me shpirt ndër dhëmbë. Ne as kërkojmë dhe as presim gjë prej tij.
I trembeni mos dekretimit nga Presidenti
– Presidenti nuk tremb më askënd. Ne komentin tonë e kemi dhënë në Kuvend për shkarkimin e tij. Nuk ka forcë që të mund të pengojë vullnetin e qytetarëve.
