Deputeti Xhelal Mziu ka dhënë një lajm të trishtë për Partinë Demokratike, pasi ka njoftuar se është ndarë nga jeta ish-zv.kryetari i degës së PD në Dibër, Islam Qoku.
Në mesazhin e tij të ngushëllimit, Mziu thotë se Qoku ishte një mik, bashkëpunëtor dhe një personalitet i jashtëzakonshëm
“Sot u nda nga jeta Islam Shukri Qoku, në moshën 55 vjeçare, një shokë, mik, bashkëpunëtor dhe një personalitet i jashtëzakonshëm!
Me profesion Inxhinier Ndertimi, ish zv/Kryetar i degës së PD Dibër, ish Drejtor i Qendrës Balneare (Llixha) Dibër, me shpirt demokrat dhe një qendrestar dhe i pakompromis me të keqen!
Një trashgimtar i familjes së Iljaz Pashë Qokut (Bashkëdrejtues i Lidhjes Shqiptare të Prizrenit).
Kujtimi i tij do të mbetet i përjetshëm.
Ndaj sot dhimbjen dhe ngushëllimet më të sinqerta për familjen Qoku dhe të afërmit e tij!
U prehtë në paqe shpirti i tij”, shkruan Xhelal Mziu.
