Kreu i Partisë Demokratike, Lulzim Basha, ka folur në mbajtjen e homazhe në nderim të nënkomisarit të Policisë që humbi jetën në krye të detyrës Saimir Hoxha. Nga Pallati i Kongreseve, Basha tha se policët janë braktisur e poshtëruar dhe e duhet një qeveri që të punojë për ta.
Kryedemokrati tha se PD do të bëjë gjithçka për të rikthyer dinjitetin e humbur të punonjësve të policisë.
“Jam këtu për t’i dhënë lamtumirën e fundit nënkomisar Saimir Hoxhës. Dua të shpreh solidaritetin dhe mbështetjen time për vëllezërit dhe motrat me uniformë të Saimir Hoxhës që përballen çdo ditë me rrezikun. Sot nuk është dita për të ngritur gishtin e përgjegjësisë, por si drejtues i dikurshëm i tyre ju them se dhimbjen e tyre të përditshme për braktisjen dhe poshtrimin e tyre e ndjej çdo ditë. Unë dhe PD do bëjmë gjithçka që dinjitetin e tyre ta vëmë në vend, tha Basha.
