Në Policinë e Shtetit tashmë do të krijohet një strukturë e re, që do të quhet skuadra e policisë alpine.
Lajmin e ka bërë të ditur vetë Ministri i Brendshëm Bledi Çuçi, teksa thekson se asistencën do ta marrin nga Austria.
“Me ministrin Federal të Punëve të Brendshme të Austrisë, Karl Nehammer, gjatë takimit të sotëm në Tiranë folëm edhe për asistencën që ata mund të na japin për të krijuar skuadrën e Policisë Alpine në Policinë e Shtetit.
Gjithmonë e më shumë zonat malore të Shqipërisë po preferohen nga turistët, përfshi edhe ata nga Austria. Alpet tona janë një destinacion mjaft i frekuentuar nga turistët gjatë gjithë vitit. Besoj se ka ardhur momenti që këtij realitet të ri të krijuar në këto zona t’i qasemi në një formë tjetër edhe përmes shërbimit policor” shprehet Çuçi pas takimit me homologun austriak në Tiranë.
