Zv.kryeministri njëherazi Ministri i Rindërtimit, Arben Ahmetaj, ka mbajtur fjalën në Kuvend tha se FMN, ka vlerësuar vendin për menaxhimin e krizës së pandemisë.
Ai foli për patronazhistët duke thënë se janë zemra e PS, dhe se ata me punën do ndihmojnë për të fituar edhe mandatin e katërt. Ndër të tjera, Ahmetaj foli edhe për procesin e rindërtimit, ku deklaroi se 700 familje do të akomodohen në shtëpitë e reja me datën 25 Nëntor.
“Ça lexoni ju apo përfaqësoni zemrat e zjarrta që nuk iu votuan? Neto, ju sollën prapë në opozitë për shkak të të njëjtave arsyeve. Më vjen keq që iku kryetari. Durimi ka kufi, mirësjellja është në bazë të kësaj foltoreje. Por fjalët janë jodinjitozë. Kështu që…Shantazhuat patronazhistët. T’i vini anash! Janë zemrat e zjarrta që votuan PS. E do vazhdojnë, e shantazhojnë këtu. Na vini anash. Do punojmë me dashuri, punë dhe reforma, me aq sa lejon demokracia, për të fituar dhe manbdatin e katërt. Dhe me besueshmëri që i referohet Fondi Monetar Ndërkombëtar. Çmimet a jeni në terezi ja ku i keni. Ju jeni bluja ne jemi roza. Vinë këtu e thoni suvenciononi, suvenciononi, pastaj hiqni këtë. A ka na një lidhje apo lidhje me zemrat që nuk iu votojnë apo me kafshët e pyllit.
Ore lexoni ju ndonjë fjali, janë 100 vende që përdorin rregullin fiskal dhe të gjithë e kanë thyer për të ndihmuar qytetarët. Kemi emergjenca për punimet publike, çfarë do i thoni ju zemrave të zjarrta, që nuk do ndërtohet Unaza e Tiranës, Do bëhet! I thoni Vlorës se nuk do bëhet tuneli. Do bëhen, Iu ftojë ta rrëzoni dekretin e Presidentit.
Sa për rindërtimin, ju thatë dikur 3 D, e më pas thatë që do të ndërtohen pallate te Sami Frashëri, por historia është që deri më 25 nëntor, do të hyjnë 700 familje në pallate dhe sot vetëm ata që kanë marrë përsipër fondi shqiptar i zhvillimit janë gati 2 mijë njësi individuale dhe falas për qytetarët. Kur të shpërndajmë pallatet për të gjithë do e bëjmë me short”, u shpreh Ahmetaj.
