Mbledhja e radhës në Komisionin Hetimor për Zgjedhjet po zhvillohet mes debateve të ashpra, nga të dy palët. Në fakt, debati nuk bëhet për faktet dhe ë fakt, debati nuk bëhet për faktet dhe çështjet e rendit të ditës, por për radhën e fjalës.
Socialistët me në krye nënkryetarin e Komisionit Toni Gogu, akuzojnë demokratët se po ju hiqet e drejta e fjalës. Ndërkohë, kryetari demokrat Enkelejd Alibeaj është shprehur se radhën do ta marrin të gjithë me radhë. Mirëpo, ndërhyrjet e deputetëve në fjalën e njëri-tjetrit nuk janë ndalur.
Në një moment, deputeti socialist Bardhyl Kollçaku, ish-drejtues i Forcave të Armatosura është ngritur në këmbë dhe i është drejtuar me tone të larta Alibeajt. Ky i fundit, duke e marrë me humor situatën ia ktheu “Ulu Gjeneral. Ulu Gjeneral. Nuk kanë rënë topat akoma. Akoma nuk kanë rënë.”
