Foltorja e ish-kryeministrit Sali Berisha në Kurbin ka nisur me një minutë heshtje pnë homazh të viktimave të tërmeti të 2 viteve më parë. Berisha ka akuzuar qeverinë se është fajtore për 51 jetët e humbura nga tërmeti i 26 Nëntorit, pasi tha se kjo qeveri lejoi banorët të qëndronin në të njëjtët pallate të pabanueshëm nga tërmeti i shtatorit.
Ai u shpreh se shumica e qytetarëve që humbën banesat janë ende të pastrehë, teksa shtoi se, para ligjit nuk ndodhet asnjë zyrtar apo qeveritar.
“Qeveria ndonëse konstatoi se pallatet ishin të pabanueshme nga tërmeti i shtatorit, i la banorët në ndërtes ëpër t’u marrë jetën një tërmet tjetër. Sot për 51 viktima, për shembjen e qindra ndërtimeve jahstë të gjitha standarteve, para ligjit nuk ndodhet asnjë zyrtar, asnjë qeveritar dhe kjo është një krim i dytë i shëmtuar pas braktisjes së tyre.
Shumica e banorëve janë pa strehim, të tjerë janë në çadra. Uroj që paratë e rindërtimeve në apartamentet dhe pallatet e premtuara, të mos pësojnë fatin e fondeve për ndërtimin e Spitalit Memorial, apo ndërtimin e Xhamisë në Tiranë, në të cilat duket se vëllai me dorë ka bërë abuzime të mëdha”, tha Berisha.
