Kryediplomati evropian, Josep Borell ka reaguar pas krimit të rëndë që ka ndodhur mbrëmë në Gllogjan, ku një person i maskuar qëlloi me breshëri kallashnikovi në drejtim të një autobusi dhe si pasojë humbën jetën tre persona. Borell ka shkruar se ndihet i trishtuar nga sulmi dhe ka bërë thirrje që përgjegjësit të sillen para drejtësisë.
“I tmerruar nga sulmi i tmerrshëm në Gjakovë. Zemra ime është me viktimat dhe familjet e tyre. Ata që janë përgjegjës duhet të gjenden dhe të sillen para drejtësisë për këtë krim të neveritshëm. Qëndroj me të gjithë kosovarët në këto momente pikëlluese. Ne do të vazhdojmë të punojmë për pajtim në Ballkanin Perëndimor”, shkruan Borell.
Kujtojmë që dje një person i maskuar qëlloi me breshëri kallashnikovi drejt një autobusi, ku si pasojë humbën jetën shoferi dhe dy nxënës.
