Deputeti i Partisë Demokratike Oerd Bylykbashi ka deklaruar mbrëmjen e sotme se ish-kryeministri Sali Berisha nuk ka inate personale me kreun e PD-së Lulzim Basha.
Ai u shpreh në një intervistë për Ora Neës se ish-lideri historik Berisha është një fuqi e jashtëzakonshme dhe një trashëgimi politike. Sipas tij inatet personale për një figurë si Berisha bëhen shumë të vogla,
“Zoti Berisha është fuqi e jashtëzakonshme politike. Me idetë me tezat ku dikush mund të thotë pse nuk i bëri përpara. Po i bën sot. Është gabim?! Demokratizimi i një partie që ka shkuar me pjerrtësi të madhe drejt autokratizimit.
Nga një humbje e zotit Basha në një humbje tjetër. Nuk gjykoj se është histori inatesh personale. Në një politikë dhe në nivele kaq të larta inatet personale bëhen shumë të vogla. Berisha është më shumë se individ, është një trashëgimi politike. Nga Basha nuk kemi gjë”, u shpreh Bylykbashi.
