Dy hyrje në të njëjtin moment por në dy ambiente të ndryshme. Ish-kryeministri Sali Berisha sapo ka hyrë në stadiumin “Air Albania” ku do të mbahet Kuvendi Kombëtar i thirrur prej tij. Një ndër pikat kryesore të rendit të ditës do të jetë shkarkimi i Lulzim Bashës.
“E jashtëzakonshme” ka thënë Berisha kur është nisur nga shtëpia e tij, dhe pasi ka mbërritur ën stadium ka bërë një xhiro të shkurtër për të përshëndetur delegatët dhe simpatizantët e PD.
Po në të njëjtën kohë edhe kreu i PD Lulzim Basha ka mbërritur në seli. Atje është programuar të zhvillohet sot një ceremoni festive për të kujtuar ditën e themelimit të kësaj force politike, 11 dhjetorin e vitit 1990. “Nga kjo ditëlindje PD do të dalë më e bashkuar”, tha kreu aktual i PD ndër të tjera.
“Është një ditëlindje e thyer nga ata që e përçanë PD për interesat e tyre. Por nga kjo ditëlindje PD do të dalë e bashkuar dhe e vendosur për demokratët dhe jo për interesat personale”, shtoi Lulzim Bahsa, kryetar i PD.
